बाल्टिमोर,अमेरिका,अक्टुबर २५ | नेपाली जनसम्पर्क समिति अमेरिका,मेरिल्याण्ड च्याप्टरले दशै तथा तिहारको अवसर पारेर आईतवार यहाँ एक शुभकामना तथा भेटघाट कार्यक्रम आयोजना गरेको छ । समितिका केन्द्रीय महासचिव मुनेन्द्र नेम्वाङ्गको प्रमुख आतिथ्यतामा सम्पन्न कार्यक्रममा विभिन्न व्यक्तिहरुले शुभकामना प्रदान गरेका थिए । च्याप्टर सभापति राज सेन्चुरीको सभापतित्वमा भएको कार्यक्रममा सहभागी सबैलाई उपसभापति यामनारायण अधिकारीले स्वागत गर्नु भएको थियो |

कार्यक्रममा जनसम्पर्क समितिका केन्द्रीय सदस्यद्वय गोपाल विश्वकर्मा र पविता परियार अतिथि रहेका थिए । यसैगरी न्यूयोर्क च्याप्टरका सभापति रोशन ढुगांना,लङ्ग आईल्याण्ड च्याप्टरका महासचिव सुमन हुमागाई,नेपाल अमेरिका पत्रकार संघका अध्यक्ष गौतम दाहाल,समितिका पूर्व सदस्यहरु,च्याप्टरका पूर्व नेतृत्वकर्ताहरु अतिथिको रुपमा सहभागी थिए | कार्यक्रममा नेजाका अध्यक्ष गौतम दाहाल,समितिका न्यूयोर्क च्याप्टरका सभापति रोशन ढुंगाना,प्रमूख अतिथि समितिका महासचिव मुनेन्द्र नेम्वाङ्ग लगायतका वक्ताहरुले शुभकामना मन्तव्य व्यक्त गर्नु भएको थियो

| 

च्याप्टरका महासचिव नेत्र केसीले संचालन गरेको कार्यक्रममा सभापति सेन्चुरीले कार्यक्रम सफल बनाउन सहयोग गर्ने सबैलाई धन्यवाद दिएका थिए | कार्यक्रमको दोश्रो चरणमा समितिकी केन्द्रीय सदस्य समेत रहेकी गायिका पविता परियारसहित गायक श्याम गुरुङ र स्थानीय युवा प्रतिभाहरुले आ आफ्ना गीतमार्फत मनोरंजन दिलाएका थिए |

साभार:ग्लोब  नेपाल