बुधबार, असोज ६ २०७८
काठमाडौं १६:११
वासिङटन डिसी 06:26

अत्यधिक मापसेका कारण मोटरसाइकल दुर्घटना, चार घाइते

इनेप्लिज २०७२ कार्तिक ६ गते ३:०९ मा प्रकाशित

accident-signरत्ननगर (चितवन), ६ कात्तिक । चितवनको माडीमा दसैँका बेला अत्यधिक मादक पदार्थ सेवन गरी मोटरसाइकल चलाउँदा चार जना घाइते भएका छन् ।

गएराति दुई मोटरसाइकल एकापसमा ठक्कर खाँदा मोटरसाइकलमा सवार चार जना घाइते भएको जिल्ला प्रहरी कार्यालय चितवनले जानकारी दिएको छ ।

प्रहरीका अनुसार चितवनको माडी—११ खरकट्टामा लु ४ प ३२६ नम्बरको मोटरसाइकल र अर्को नम्बर नखुलेको मोटरसाइकल एकापसमा ठक्कर खाएका थिए ।

उनीहरुले अत्यधिकरुपमा मापसे गरेको पाइएको प्रहरीले जनाएको छ ।

यसरी घाइते हुनेमा माडी–१० देवेन्द्रपुरका २३ वर्षीय मुक्ति काफ्ले, सोही ठाउँमा २२ वर्षीय महेन्द्र सुवेदी, २२ वर्षका दीपक पौडेल र २० वर्षीय विकास आचार्य रहेको प्रहरीले जनाएको छ ।

उनीहरुको स्थानीय मेडिकलमा उपचारपछि थप उपचारका लागि कलेज अफ मेडिकल साइन्सेज भरतपुरमा ल्याइएको छ ।

घाइतेमध्ये विकास आचार्यको अवस्था गम्भीर रहेको प्रहरीले जनाएको छ ।

प्रतिक्रिया