सप्तरीमा प्रहरीको गोली प्रहारबाट प्रदर्शनकारी राजीव राउतको मृत्यु भएपछि जनकपुर तनावग्रस्त भएको हो ।

मङ्गलबार साँझ प्रदर्शनकारीले स्थानीय रामानन्द चोकमा एक बसमा आगजनी गरेका छन् । उनीहरुले त्यहाँ पार्क गरेर राखिएको ना १ ख ७८७४ नम्बरको बसमा आगजनी गरेको प्रहरीले जनाएको छ ।

यसैगरी, प्रदर्शनकारीले रामानन्द चोकमा रहेको प्रहरी बीटमा समेत आगो लगाइदिएको जनाइएको छ । यसअघि, साँझ प्रदर्शनकारी र प्रहरीबीच रामानन्द चोकमा केहिबेर झडपसमेत भएको थियो ।

स्थानीय जनक चोकबाट निस्किएको मोर्चाको विरोध जुलुश रामानन्द चोक पुगेपछि सुरक्षाकर्मी र प्रदर्शनकारीबीच झडप भएको थियो ।