शुक्रबार, असार १७ २०७९
काठमाडौं ००:५५
वासिङटन डिसी 15:10

एम्बुलेन्स सहयोग

इनेप्लिज २०७२ साउन ३१ गते १:५५ मा प्रकाशित

ambulanceबाबियाचौर(म्याग्दी), ३१ साउन । फोर्स मोटर्स कम्पनीले एम्बुलेन्स सेवा सञ्चालन गर्न लायन्स क्लबमार्फत शनिबार एक जिप उपलब्ध गराएको छ ।

बेनीस्थित लायन्स कल्ब अफ बेनी, बेनी सिटी, बेनी दोभानी र लियो क्लब अझ म्याग्दीले उक्त एम्बुलेन्स एकीकृत एम्बुलेन्स सञ्चालक समितिलाई हस्तान्तरण गरेका हुन् ।

प्रजिअ सागरमणि पाठकले उक्त एम्बुलेन्सको उद्घाटन गर्नुभएको थियो । नयाँ एम्बुलेन्स थपिएपछि म्याग्दीका बिरामीलाई थप सहज हुने अपेक्षा गरिएको एम्बुलेन्स सञ्चालक समितिका संयोजक अमर बानियाँले बताउनुभयो ।

म्याग्दीमा सञ्चालित सबै एम्बुलेन्सको व्यवस्थित र प्रभावकारी रुपमा सञ्चालन गर्न सरकारको नियमानुसार केही दिनअघि नेपाल रेडक्रस सोसाइटी म्याग्दीका मन्त्री बानियाँको संयोजकत्वमा समिति गठन गरिएको थियो ।

यसअघि म्याग्दीमा मोना युकेले उपलब्ध गराएको तीन एम्बुलेन्स नेपाल रेडक्रस सोसाइटीमार्फत र एक जिल्ला स्वास्थ्य कार्यालय म्याग्दीअन्तर्गत सञ्चालन हुँदै आएको थियो ।

जापानमा बस्ने नेपालीले रेडक्रस सोसाइटीलाई उपलब्ध गराएको भूपू सैनिक कल्याणकारी सङ्घअन्तर्गतको एम्बुलेन्स भने बन्द अवस्थामा छ ।

प्रतिक्रिया