इनेप्लिज
२०७२ साउन ३० गते १५:३१ मा प्रकाशित
विराटनगर, ३० साउन । सूचना तथा सञ्चारमन्त्री डा मीनेन्द्र रिजालले आन्दोलन गर्नुभन्दा चित्त नबुझेका विषयमा संविधानसभाभित्र र बाहिर रहेका दललाई वार्ताद्वारा समस्या समाधान गर्न आह्वान गर्नुभएको छ ।
विराटनगर विमानस्थलमा आज साँझ पत्रकारसँग संक्षिप्त कुराकानी गर्दै उहाँले अन्तिम मस्यौंदासम्म परिमार्जन गर्न सकिने र संविधान जारी भएपछि पनि नयाँ संविधानमा संशोधनको व्यवस्था रहने जानकारी गराउनुभयो ।
नेपाली काँग्रेसका केन्द्रीय सदस्यसमेत रहनुभएका उहाँले केही विषयमा नेपाली काँग्रेसको पनि चित्त नबुझेको उल्लेख गर्दै सवैको भावनालाई समेटेर संविधान बनाउनुपर्ने भएकाले सवैले केही न केही छोड्नुपर्ने स्पष्ट पार्नुभयो ।
उहाँले संविधान जारी गर्ने समय र नेपाली काँग्रेसको महाधिवेशनको तिथि पनि ठयाक्कै एकैपटक परेकाले महाधिवेशन हुने नहुने दुविधाको अवस्था सिर्जना भएको उल्लेख गर्नुभयो ।
प्रतिक्रिया