नेपाली काँग्रेस कास्कीको पार्टी कार्यालयमा राखिएको उहाँको शवमा सिँचाइमन्त्री नारायण प्रकाश साउद, सभासद चन्द्र भण्डारी, यज्ञबहादुर थापा, कमल पङ्गेनीलगायत काँग्रेसका सयौं कार्यकर्ताले पनि पूmलगुच्छा चढाई श्रद्धाञ्जलि अर्पण गर्नुभएको थियो ।

श्रद्धाञ्जलि सभालाई सम्बोधन गर्दै वरिष्ठ नेता देउवाले नेपाली काँग्रेसका एक होनहार कार्यकर्ता पौडेलको हत्यामा संलग्न हत्यारा र योजनाकार जोसुकै भएपनि कडाभन्दा कडा कारबाही गर्न पार्टी दृढ भएको बताउनुभयो ।

पौडेल एक लोकतान्त्रिक आन्दोलनका योद्धा हुनुहुन्थ्यो भन्दै नेता देउवाले उहाँको निधनले आफ्नो एउटा हातै भाँच्चिएजस्तो भएको धारणा राख्नुभयो । उहाँले मृतात्माको चिर शान्तिको कामना गर्दै शोकसन्तप्त परिवारप्रति समवेदना प्रकट गर्नुभयो ।

महामन्त्री सिंहले स्व वादलको हत्याका सवै अपराधीलाई पक्राउ गरी कारबाहीको दायरामा ल्याउन पार्टी र सरकार दृढ रहेको विचार व्यक्त गर्नुभयो । उहाँंले यस हत्याको सम्बन्धमा छानविन गरी सत्यतथ्य पत्ता लगाई दोषीमाथि कडा कारबाही गरिने बताउनुभयो ।

यसैबीच, वरिष्ठ नेता देउवा, महामन्त्री सिंह, सभासद चन्द्र भण्डारी, यज्ञबहादुर थापा, कमल पंगेनीलगायतका नेता लेखनाथ नगरपालिकाको गगनगौँडास्थित स्व वादलको घरमा गई उहाँकी श्रीमती चन्द्रकला पौडेल, छोरी र दाजुभाईलाई समवेदना दिनुभयो ।

यसअघि, पश्चिमाञ्चल क्षेत्रीय अस्पतालमा शव परीक्षण रिपोर्टमा दुर्घटनाबाट मरेको भन्ने हल्ला फिँजाएपछि केहीबेर तनावको स्थिति सृजना भएको थियो । उहाँका आफन्तले शव परीक्षणको रिपोर्ट आफूहरुले हेर्न पाउनुपर्ने भन्दै नाराबाजी गरेका थिए ।

पछि नेताहरुले सम्झाइबुझाई शव चिप्लेढुङ्गास्थित पार्टी कार्यालयमा लगिएको थियो । पार्टी कार्यालयमा भएको श्रद्धाञ्न्जलिसभापछि उहाँको शवलाई गगनगौँडास्थित उहाँको घरमा लगिएको थियो । घरबाट शवयात्रा सुरु गरी सेती नदीको किनारमा लगेर आजै उहाँको अन्त्येष्टि गरिएको थियो ।