चाँगे गाविसको दोभान बजारमा आयोजित कार्यक्रममा प्रति पीडितपरिवार रु १० हजार ६६५ का दरले राहत वितरण गरिएको कोषका सल्लाहकार मोहन निरौलाले जानकारी दिनुभयो ।

कोषले बेलायत, हङकङ, क्यानाडा, कुबेत र अमेरिकामा रहेका चाँगेवासीको सक्रियतामा त्यहाँ रहेका प्रवासी नेपालीबाट सङ्कलन गरिएको सो रकम आज वितरण गरेको हो ।

पश्चिमी ताप्लेजुङको खोक्लिङ, लिवाङ, थिङलावु, खाम्लुङ, सान्थाक्रा र लिङतेप गाविसमा गएको जेठ २७ गते राति आएको पहिरोमा परी ५९ जनाले ज्यान गुमाएका थिए भने ७५ घरपरिवार पूर्णरुपमा विस्थापित भएका थिए ।