इनेप्लिज
२०७२ साउन ३० गते २:५२ मा प्रकाशित
बेनी (म्याग्दी), ३० साउन । पश्चिम म्याग्दीको मुदी र मुना गाविसमा साउन १३ गतेको पहिरोका कारण मृत्यु भएका व्यक्तिका आफन्तको राहतका लागि मोना बेल्जियमले रु दुई लाख आर्थिक सहयोग गरेको छ ।
रोजगारीका लागि बेल्जियम गएका म्याग्देलीले पहिरोपीडितको राहतका लागि सङ्कलन गरेको रु दुई लाख शुक्रबार जिल्ला दैवी प्रकोप उद्धार समितिका संयोजक प्रमुख जिल्ला अधिकारी सागरमणि पाठकलाई पठाएका छन् ।
मोना बेल्जियमका अध्यक्ष चन्द्रबहादुर कार्कीले भन्नुभयो “पहिरोमा परी मृत्यु भएकाको आफन्तलाई अलि कति भए पनि राहत पुगोस् भनेर हामीले आर्थिक सहयोग सङ्कलन गरी पठाएका हौँ ।”
प्रतिक्रिया