सामुदायिक वन समन्वय समितिको आइतबार सम्पन्न एघारौं वार्षिक साधारणसभामा सामुुदायिक वन समन्वय समितिका अध्यक्ष महेशदत्त जोशीले राष्ट्रिय वनलाई समुदायमा हस्तान्तरण गरेर वन संरक्षणका साथै अन्य विकाससिल काममा सहयोग पुगेको बताउनुभयो ।

“एक सय १९ सामुदायक वन हस्तान्तरण भइसकेका छन् ।” अध्यक्ष जोशीले भन्नुभयो– “समुदायमा हस्तान्तरणले वन संरक्षणमा निकै सहयोग पुगेको छ ।”

समन्वय समितिले कञ्चनपुरको सिस्ने क्षेत्रको संरक्षका लागि सिस्नेसँग जोडिएका सामुदायिक वन तथा राष्ट्रिय वन क्षेत्रको १३ हजार ५०० हेक्टर क्षेत्रलाई शून्य चरिचरन क्षेत्र घोषणा गरिएको अध्यक्ष जोशीले बताउनुभयो ।  विजयसाललगायतका लोपोन्मुख प्रजातिको संरक्षणमा पनि सामुदायिक वनको भूमिका सह्रानीय रहेको छ ।

बझाङमा पनि हिन्दूराष्ट्र माग
नयाँ बन्ने संविधानमा नेपाललाई हिन्दूराष्ट्र बनाउनुपर्ने माग गर्दै सनातन हिन्दूराष्ट्र स्थापना महाअभियान जिल्ला समन्वय समिति बझाङले सदरमुकाम चैनपुरमा प्रदर्शन गरेको छ ।

आइतबार यहाँ गरिएको प्रदर्शनमा विभिन्न क्षेत्र, समुदाय र पेसामा संलग्न व्यक्तिकोे सहभागिता रहेको थियो । चैनपुर बजार परिक्रमापछि र्‍याली कोणसभामा परिणत भएको थियो । कोणसभामा वैद्घिक सनातन हिन्दूराष्ट्र नेपाल संस्थागत संयुक्त सङ्र्घष समिति सचिवालय सदस्य सिद्घराज खड्काले धर्म निरपेक्ष राष्ट्र कायम गर्न धर्मको नाममा डलरको खेती भएको र यसले लोकतन्त्रको खिल्ली उडाएको टिप्पणी गर्नुभयो ।
कार्यक्रममा संविधानमा विश्वको एक मात्र हिन्दूराज्य नेपालको पहिचान कायम नरहे देशभरिबाट आन्दोलन चर्काउने चेतावनी दिइएको छ ।