सिनेटको बुधबारको बैठकले उहाँलाई नेपालका लागि नयाँ राजदूतमा अनुमोदन गरेको अमेरिकी विदेश मन्त्रालयले आज जनाएको छ ।

चौबीस वर्षअघि कूटनीतिक सेवा प्रवेश गर्नुभएकी उहाँले जर्जटाउन विश्वविद्यालयबाट स्नातकोपाधि हासिल गर्नुभएको छ । सिनेटबाट राजदूतमा अनुमोदित टेपलिजले बङ्गलादेश, अफगानिस्तान, बेल्जियम, अष्ट्रेलिया र अल्वानियामा सेवा गरिसक्नुभएको छ ।

नेपालका लागि अमेरिकी राजदूत पिटर डब्लु बोडी नेपालमा आफ्नो कार्यकाल पूरा गरी चाँडै सेवा निवृत्त हुँदैहुनुहुन्छ ।