आज सूर्यविनायक नगरपालिका–६ स्थित सुगम बस्ती टोल सुधार समितिको नवौँ वार्षिक साधारणसभामा बोल्दै उहाँले राजनीतिक दलका नेता कार्यकर्ता एवम् सभासद्ले जनताको सुझावलाई शिक्षाको रुपमा लिनुपर्ने बताउनुभयो ।

जनताको सुझावलाई शिक्षाको रुपमा लिएर पाठ सिक्नुपर्र्नेमा जोड दिँदै मन्त्री बस्नेतले अतिवादी र जनताको बललाई कमजोर सोच्नेहरु आफैं पछि हट्दै जाने बताउनुभयो ।

जनताको राय सुझाव सङ्कलनको क्रममा प्रत्यक्ष कार्यकारीको पक्षमा रहेको बताउँदै जनताको यो सुझावलाई कार्यान्वयन गर्नुपर्नेमा जोड दिनुभयो । जनता राजनीतिक स्थिरता भएको सरकारको पक्षमा भएको भन्दै मन्त्री बस्नेतले यसतर्फ नेताहरुले ध्यान जानुपर्ने औँल्याउनुभयो ।

मन्त्री बस्नेतले संविधान निर्माणमा अब ढिलाइ नहुने बताउँदै भन्नुभयो, “संविधान निर्माण अब ढिला हुँदैन, साउन २५ गतेभित्र संविधान आउँछ, ढुक्क हुनुहोस् ।”