इनेप्लिज
२०७२ साउन ४ गते १२:१५ मा प्रकाशित
भीमदत्तनगर, ४ साउन । सिँचाइ मन्त्री नारायणप्रकाश साउदले चार राजनीतिक शक्तिबीच भएको १६ बुँदे सहमतिअनुसार नयाँ संविधानको मस्यौदा जनतामा आएको बताउनुभएको छ ।
संविधानको मस्यौदामाथि सुझाव सङ्कलन गर्न कञ्चनपुरको क्षेत्र नं २ कृष्णपुर गुलरिया पुग्नुभएका मन्त्री साउदले संविधान सहमतिको दस्तावेज भएको र सहमतिमै संविधान जारी गर्नुको विकल्प नरहेको बताउनुभयो ।
मस्यौदामाथि आ–आफ्ना दृष्टिकोण राख्न आग्रह गर्दै उहाँले जनभावना समेटेर मात्रै संविधान जारी हुने विश्वास व्यक्त गर्नुभयो ।
राप्रपा नेपालको जुलुस
दार्चुलामा संविधानको प्रारम्भिक मस्यौदामा राय सुझाव सङ्कलन सुरु हुनासाथ राप्रपा नेपालका कार्यकर्ताहरुले जुलुस निकालेका छन् । कञ्चनपुरको भीमदत्तनगर र बेलौरीमा पनि राप्रपा नेपालका कार्यकर्ताहरुले प्रदर्शन गरेका छन् । पार्टीको झन्डासहित सुझाव सङ्कलनस्थल प्रवेश गर्न लागेका उनीहरुलाई मूलद्वारमै रोक लगाइएको छ ।
प्रतिक्रिया