शनिबार, असार १८ २०७९
काठमाडौं २३:३५
वासिङटन डिसी 13:50

ट्राफिक नियम उल्लङ्घन गर्ने एक सय उनन्साठी सवारी कारबाहीमा

इनेप्लिज २०७२ असार ३१ गते ३:२७ मा प्रकाशित

imagesरत्ननगर (चितवन), ३१ असार । जिल्ला ट्राफिक प्रहरी कार्यालय चितवनले २४ घन्टाको अवधिमा नियम उल्लङ्घन गर्ने १५९ सवारीलाई कारबाही गरेको छ ।

चितवनका विभिन्न क्षेत्रमा भएको आज बिहानसम्मको जाँचका क्रममा सवारी उल्लङ्घन गर्ने ती सवारीलाई कारबाही गरिएको ट्राफिक प्रहरी कार्यालय चितवनका प्रहरी हबलदार नयनबहादुर भण्डारीले जानकारी दिनुभयो ।

उहाँका अनुसार कारबाहीबाट रु ७७ हजार ५०० राजस्व सङ्कलन भएको छ । नियम उल्लङ्घन गर्नेमा सबैभन्दा बढी ट्रक र मोटरसाइकल रहेको छ । बिनाहेलमेट चलाउने, कागज र लाइसेन्स नबोक्ने बढी रहेको प्रहरीले जनाएको छ । जसमा दुईजना मापसे कारबाहीमा परेका छन् । कारबाहीमा ६३ वटा मोटरसाइकल, ६४ वटा ट्रक परेका छन् । यस्तै १७ बस, चारवटा जिपकार र टेम्पु–ट्र्ययाक्टर लगायतलाई समेत कारबाही गरिएको छ ।

ट्राफिक प्रहरीले जिल्लामा दैनिकजसो सवारी जाँचलाई कडाइ गरेको छ । यसैबीच प्रहरीले बढी लोड बोक्ने ११ वटा ट्रकलाई समेत कारबाही गरेको छ । क्षमताभन्दा बढी बोकेका ११ ट्रकलाई प्रतिट्रक एक हजारका दरले जरिवाना गरी आगामी दिनमा यस्तो गल्ती नगर्ने कागज गरेर पठाइएको प्रहरी हबलदार भण्डारीले बताउनुभयो ।

प्रतिक्रिया