आइतबार, जेठ ३० २०७८
काठमाडौं २३:३७
वासिङटन डिसी 13:52

मानवअधिकार संरक्षणमा आयोग गम्भीर

इनेप्लिज २०७२ असार २८ गते १:३१ मा प्रकाशित

नेपालगन्ज, २८ असार । राष्ट्रिय मानवअधिकार आयोगका प्रवक्ता मोहना अन्सारीले जनताको सबैखाले मानवअधिकारको संरक्षणका लागि आयोगको भूमिका मानवअधिकारको विश्वव्यापी घोषणापत्रअनुरुप नै हुने बताउनुभएको छ ।

मध्य तथा सुदूरपश्चिमका विभिन्न जिल्लाको मानवअधिकारको अवस्था बुझ्न अनुगमनमा रहेको आयोगका प्रवक्ता टोली नेता अन्सारीले आइतबार यहाँ आयोजित नागरिक अन्तक्र्रिया कार्यक्रममा जिल्लाको वस्तुगत अवस्था र नागरिकबाट प्राप्त सुझावका आधारमा प्रतिवेदन तयार गरी सरकारलाई बुझाइने उल्लेख गर्नु भयो ।

तराईका जिल्लाका नेपाल–भारत सीमा क्षेत्रमा अन्तर्राष्ट्रिय नियमविपरीत भारतले निर्माण गरेको तटबन्ध र अग्लो सडकले नेपाली भूमि बर्सेनि डुब्ने र जनधनको क्षति हुनेतर्पm सहभागीले ध्यानाकर्षण गराएपछि प्रवक्ता अन्सारीले सरकारलाई यस विषयमा पनि लिखित जानकारी गराउने विश्वास दिलाउनुभयो ।

आयोगका अर्का सदस्य गोविन्द शर्मा पौडेलले भारतसँग सरकारले राजनीतिक र कूटनीतिक छलफल गरी समस्या सल्टाउनुपर्ने भएकाले सीमा समस्या तथा विवादका विषयमा आयोग गम्भीर भएको बताउनुभयो ।

त्यस अवसरमा आयोगका क्षेत्रीय निर्देशक मुरारी खरेल, अधिकारकर्मी वसन्त गौतम, पत्रकार रुद्र सुवेदी, अधिवक्ता विश्वजीत तिवारीलगायतका वक्ताले केन्द्रमा बस्ने नेता मुलुकको राष्ट्रहितप्रति गम्भीर नभएको गुनासो पोखेका थिए ।

प्रतिक्रिया