शुक्रबार, असार १७ २०७९
काठमाडौं ००:२८
वासिङटन डिसी 14:43

कालिकास्थान–स्याफ्रु खण्ड मर्मत

इनेप्लिज २०७२ असार २७ गते २:२९ मा प्रकाशित

धुन्चे (रसुवा), २७ असार । पासाङल्हामु मार्गको कालिकास्थान–स्याफ्रु खण्ड मार्ग नियमित सञ्चालन गर्न डोजर चलाउन थालिएको छ ।

जिल्लाको उत्तरी क्षेत्रको १० गाविसको प्रमुख मार्ग भएको र विकास निर्माणलगायत खाद्य सामग्री अभाव हुन नदिनका लागि नियमित सडक सञ्चालन गर्न आकस्मिक पहिरो पन्छाउन डोजर चलाउन लागिएको डिभिजन सडक कार्यालय नुवाकोटले जनाएको छ ।

वर्षात्का कारण समय समयमा मूलखर्क, राम्चे, ग्राङ र खोपाङ क्षेत्रमा पहिरो जाने क्रम बढ्न थालेको भए पनि अब यातायात सञ्चालनमा अवरोध नहुने सडक कार्यालयको भनाइ छ । उता खोपाङ–स्याफ्रुबेंसीखण्ड सडकमा भने स्याफ्रु– मैलुङखण्डको सडक निर्माणमा कार्यरत नेपाली सेनाले अनुगमन गरिरहेको बताइएको छ ।

प्रतिक्रिया