बुधबार, माघ १२ २०७८
काठमाडौं २२:४९
वासिङटन डिसी 12:04

मिस नेपाल क्यालिफोर्निया २०१५ मा अनुषा कार्की बिजयी

इनेप्लिज २०७२ असार २० गते २१:३० मा प्रकाशित
miss nepal
लस एन्जल्स, लस एन्जल्समा बैशाख १२ र त्यस पश्चात गएको भूकम्पबाट भएको स्कुलहरुको विनाशको पुन: निर्माणको सहयोगको लागि एफ वान ग्रुपद्वारा सांस्कृतिक कार्यक्रम र मिस नेपाल क्यालिफोर्निया २०१५ आयोजना गरियो प्रख्यात कलाकारहरु निमा रुम्बा, हेमन्त राणा, नलिना चित्रकार, दिपेश कुमार भट्टराई, सरोज दत्त र आस्था भण्डारीले बिभिन्न गित गाएर उपस्थित दर्शकहरुलाई नचाउनु भएको थियो । कार्यक्रममा अनु गौतम, युनिस सिवाकोटी र Miss Nepal USA 2011 को first runner up तिलस्मी बिस्टले आफ्नो आकर्षक नृत्य प्रस्तुत गरेका थिए भने कर्ण चन्द, राम चौधरी, बिनोद गुरुङ र अमृत महर्जनको मार्शल आर्ट्स टिमले आकर्षक प्रस्तुति देखाएका थिए । सांस्कृतिक कार्यक्रम र मिस नेपाल क्यालिफोर्नियाको समयोजन रहेको कार्यक्रम साँझ ८.३० बजे शुरु भएर रातको ०१.३० बजे सम्पन्न भएको थियो ।

सांस्कृतिक कार्यक्रमको साथमा Miss Nepal California 2015 को प्रथम पटक आयोजना गरिएको थियो । मिस नेपाल क्यालिफोर्नियामा अनिशा ओली, सुष्मा पन्त, अनुषा कार्की, नमिता पोखरेल, सबु घले र सुष्मिता भण्डारीले भाग लिएका थिए । प्रतियोगितामा डा.दिपक सिम्खडा, सल्लाहकार देवेन पाण्डे, कलाकार आस्था भण्डारी, जसवन्त श्रेष्ठ र Cali Treadwell Rossen थिए क्यालिफोर्नियामा भएको प्रथम मिस नेपाल क्यालिफोर्निया २०१५ मा अनुषा कार्की बिजेता, सुष्मा पन्त First runner up र अनिशा ओली Second runner up भएका छन Miss Nepal California 2015 को प्रतिस्पर्धीलाई प्रशिक्षण Miss Nepal 2011 मलिना जोशीले गर्नु भएको थियो । कार्यक्रमको संचालन मलिना जोशी र अबला उपाध्यायले गर्नु भएको थियो ।

चार हप्ताको छोटो तयारीमा सांस्कृतिक कार्यक्रम र मिस नेपाल क्यालिफोर्निया २०१५ सम्पन्न भएको कार्यक्रममा लसएन्जल्स लगायत अमेरिकाका अन्य शहरबाट समेत करिब ४०० दर्शकहरुको उपस्थिति रहेको थियो । कार्यक्रमबाट पचास हजार डलर उठाउने लक्ष्य राखिएको र यसमा रकम जम्मा हुने क्रम जारी नै रहेकोले आगामी हप्ता पत्रकार सम्मेलन गरि कार्यक्रमको आय-व्यय सहित सम्पूर्ण जानकारी गराउने एफ-१ ग्रुपका बिश्व सुबेदीले बताउनुभयो ।

miss nepal 2

प्रतिक्रिया