दुईटा मनको यात्रा

टाढा टाढा भएपनि

संगै हिंडेको यात्रा

मौन मौन रहे पनि

मन मिलेको यात्रा

शर्त केहि छैन

बन्धन केहि छैन

गुनासो केहि छैन

दुइटा स्वतन्त्र मनको यात्रा

एउटा स्वतन्त्रताको यात्रा

फेरि मनले केहि पाएको छ

चरा जस्तै

फुर्फुर गर्न लागेको छ

आफ्नै जस्तो अर्को मन संग

चिर्बिर गर्न लागेको छ

एउटा यात्रा

काव्य-सरिता किनारको यात्रा

उकाली ओराली भन्ज्याङ हुँदै

फूलै-फूलको उपत्यका हुँदै

हिमाल देखि समुन्द्र हुँदै

अनन्त आकाशमा उडिरहेको यात्रा

दिव्य माया पिरतीको यात्रा