चारआलीको जङ्गलबाट निस्किएको अर्नाले आक्रमण गर्दा विर्तामोड नगरपालिका–९ निवासी १८ वर्षीय बोलु सतारको मृत्यु भएको र चार जना गम्भीर घाइते भएको इलाका प्रहरी कार्यालय विर्तामोडले जनाएको छ ।

अर्नाको आक्रमणबाट ५८ वर्षीय केरकेरु राजवंशी, ६० वर्षीया ललिता राजवंशी, उनकै छोरी ३० वर्षीया पूर्णिमा राजवंशी, सतार र गरामनी–७ निवासी दीपक चम्लगार्इं घाइते भएको भएका छन् । घाइते चार जनाको विर्तामोडस्थित बिएन्डसी अस्पतालमा उपचार भइरहेको छ ।

अर्ना गाउँ पसेर अन्धाधुन्ध आक्रमण गर्दा उनीहरु घाइते भएको र घाइतेमध्ये केरकेरुको पेटमा गम्भीर चोट लागी आन्द्रा बाहिर निस्किएको र ललिताको अनुहारमा चोट लागेको बताइएको छ ।