शुक्रबार, माघ १४ २०७८
काठमाडौं २२:२४
वासिङटन डिसी 11:39

निर्देशन अवज्ञा गर्ने ११ जनामाथि कारबाही

इनेप्लिज २०७२ जेठ २९ गते १:२५ मा प्रकाशित

Morang_district_locationपथरी (मोरङ), २९ जेठ । विराटनगर उपमहानगरपालिकाले निर्देशन अवज्ञा गर्दै घर बनाउने ११ जनामाथि कारबाही गरेको छ ।

भवन आचारसंहिताविपरीत घर बनाएपछि उपमहानगरपालिकाले ११ घरधनीलाई कारबाही गरेको हो ।

उपमहानगरपालिका घरनक्सा शाखाका इन्जिनियर गोपाल पोखरेलका अनुसार गत वैशाख १२ र २९ गतेको भूकम्पपछि सरकारले नयाँ घर निर्माण अनुमति तथा विस्तारमा रोक लगाए पनि त्यसको अवज्ञा गर्दै घर बनाउन थालेपछि कारबाही गरिएको हो ।

उपमहानगरपालिकाले विराटनगर १, २, ३, १३ र १८ नम्बर वडामा निर्माणाधीन घरको निर्माण रोकेको हो । अनुगमनका क्रममा फेला परेका केही र केहीका छिमेकीले दिएको उजुरीका आधारमा कारबाही गरिएको उपमहानगरपालिकाले जनाएको छ ।

प्रतिक्रिया