आइतबार, साउन १७ २०७८
काठमाडौं ०७:१३
वासिङटन डिसी 21:28

गण्डकी ग्रुपद्वारा जस्तापाता वितरण

इनेप्लिज २०७२ जेठ २२ गते ४:०० मा प्रकाशित

काभ्रे (जोगिटार), २२ जेठ । गण्डकी ग्रुप नेपालले काभ्रेपलाञ्चोक चण्डेनीमण्डन गाविसको जोगिटारका भूकम्पपीडित ९८ घरपरिवारलाई राहतस्वरुप बिहीबार जस्तापाता वितरण गरेको छ ।

काठमाडौँबाट करिब ६२ किलोमिटर पूर्वको सो गाउँका भूकम्पपीडितलाई रु दुई लाख ५० हजार मूल्य बराबरको ५५ बण्डल जस्तापाता वितरण गरिएको गण्डकी ग्रुप नेपालका महाप्रबन्धक यज्ञेश्वर पोखरेलले बताउनुभयो ।

“जोगिटारका पक्की घरबाहेक सबै घर ध्वस्त भएकाले त्यहाँका ९८ परिवारलाई केही न केही राहत मिलोस् भनेर समूहका तर्फबाट जस्ता वितरण गरिएको हो,” महाप्रबन्धक पोखरेलले भन्नुभयो ।

गाविसका करिब नौसय घरमध्ये आठ दशवटा पक्कीबाहेक बाँकी सबै घर ध्वस्त भएको स्थानीय केशव नेपालले बताउनुभयो ।

विनाशकारी भूमम्पबाट उक्त गाविसमा ३५ जनाको मृत्यु भएको थियो ।

प्रतिक्रिया