इनेप्लिज
२०७२ जेठ १७ गते १५:०९ मा प्रकाशित
खोटाङ, १७ जेठ । तेज—तिलासरी फाउन्डेसनले आज खोटाङको नुनथलाका २६ घरधुरीका भूकम्पपीडितलाई १३८ बण्डल जस्तापाता प्रदान गरेको छ ।
हाल हङकङमा बस्दै आएका नुनथला–२ का समाजसेवी तेजबहादुर राईले सञ्चालन गरिरहेको फाउन्डेसनले २६ भूकम्पपीडित परिवारलाई रु १४ लाख बराबरको जस्ता प्रदान गरेको हो ।
भूकम्पका कारण विस्थापित बनेका पीडितलाई अस्थायी टहरा बनाउन गाउँमै जस्ता ल्याएर हस्तान्तरण गरिएको तेज–तिलासरी फाउन्डेसनका सञ्चालक राईले बताउनुभयो ।
भूकम्प पीडितलाई प्रतिपरिवार पाँच बण्डलका दरले जस्ता प्रदान गरिएको छ ।
फाउन्डेसनले निम्न आर्थिकस्तर भएका जिल्लाका २० भूकम्पपीडित परिवारलाई चामलसमेत बाँडेको छ जसमा निम्न आर्थिकस्तर भएका पीडित परिवारलाई प्रतिपरिवार ५० केजीका दरले चामल बाँडिएको थियो ।
प्रतिक्रिया