नेपाल पर्यटन बोर्डमा अवस्थित प्रथम सगरमाथा आरोही तेन्जिङ नोर्गे शेर्पा र न्युजिल्याण्डका सर एड्मन्ड हिलारीको सालिकमा माल्यार्पण गरी सुरु भएको प्रभातफेरी पद्मोदय मोड, पुतलीसडक, कमलादी, घण्टाघर, रत्नपार्क हुँदै पर्यटन बोर्डमा पुगेको छ ।

प्रभातफेरीमा संस्कृति पर्यटन तथा नागरिक उड्डयन मन्त्री कृपासुर शेर्पा, सचिव सुरेशमान श्रेष्ठ, मन्त्रालयका उच्चअधिकारी, स्वदेशी तथा विदेशी आरोहीलगायतको सहभागिता छ ।

नेपालमा सन् २००८ देखि अन्तर्राष्ट्रिय सगरमाथा दिवस मनाउन सुरु गरिएको हो ।

अघिल्लो वर्ष भव्यरुपमा दिवस मनाइएको भएपनि यो वर्ष विनाशकारी भूकम्पको विपत्तिले गर्दा सामान्य कार्यक्रम मात्र गरी मनाउने मन्त्रालयले जनाएको छ ।