काठमाडौ, जेष्ठ १३ – साहित्यकार नारायण ढकाल नयाँ उपन्याससहित पाठकमाझ आएका छन् । ‘वृषभ वध’ महाभूकम्पको असरका कारण विमोचन नै नगरी बजारमा ल्याइएको प्रकाशक फाइन प्रिन्टका नीरज भारीले विज्ञप्तिमा बताएका छन् ।

विज्ञप्ति अनुसार, ‘वृषभ वध’ काठमाडौंको उत्तरपूर्वी गाउँको पचास वर्षअघिको कथा हो । एउटा साँढेको विषयलाई लिएर कसरी स्थानीयदेखि केन्द्रीय राज्य प्रशासन र राजनीति प्रभावित भए र तिनले त्यो घटनालाई आफूअनूकुल कसरी प्रयोग गरे भन्ने वर्णन उपन्यासमा ।

अघिल्ला झैं ‘वृषभ वध’ पनि राजनीतिक उपन्यास हो । ढकालले भनेका छन्, ‘कृतिमा एक कालखण्डको जुन झलक पाइन्छ, त्यसले त्यो समय बिर्सेका र नदेखेका पाठकलाई उत्साहित बनाउनेछ ।’ ढकालका तीन उपन्यास, पाँच कथा संग्रह तथा दुई/दुई बालकथा संग्रह, निबन्ध संग्रह र अनुवाद कृति प्रकाशित छन् ।

प्रकाशित मिति: २०७२ जेष्ठ १३ ०८:५३

साभार:इकान्तिपुर