शनिबार, साउन ९ २०७८
काठमाडौं २३:५८
वासिङटन डिसी 14:13

वैज्ञानिक पद्धतिद्वारा रुख गणना

इनेप्लिज २०७२ जेठ १३ गते २:४२ मा प्रकाशित

045e263db67e029b97fc5298a8cfa5a3_Lपरासी, १३ जेठ । नवलपरासीका साझेदारी वनमा वैज्ञानिक पद्धतिबाट रुखको गणना सुरु गरिएको छ ।

रुखको जात र साइज पहिचान गरी रुखमा नम्बरिङ गरी गणना अघि बढाएको सहायक वन अधिकृत प्रमोद भट्टराईले जानकारी दिनुभयो ।

जिल्लाको सुनवल, वनजरिया, अमरौड क्षेत्रमा फैलिएको १७ हेक्टर वनमा वैज्ञानिक वन व्यवस्थापनका लागि कम्पार्टमेन्ट बनाउँदै वैज्ञानिक पद्धतिबाट रुखको गणना सुरु गरिएको हो ।

रुखको गणना गर्न वन क्षेत्रमा वनको कोर र फ्रिन्ज क्षेत्र छुट्टाछुट्टै छुट्टाइएको छ । वनभित्र दुईवटा समूहमा काम भइरहेको छ भने प्रत्येक ५० मिटरमा वनको सीमाङ्कन गरिएको छ ।

गणनाअन्तर्गत रुखको मोटाइ, गोलाइ, लम्बाइ र उचाइ जिपिएस मेसिनद्वारा पत्तालगाइ रुखमा नम्बर टाल्ने काम तीव्र भइरहेको छ ।

वन क्षेत्रभित्र खाली रहेको जग्गामा वृक्षरोपणका लागि ५० हजार नर्सरी प्लान्ट तयार भइरहेको कार्यालयले जनाएको छ ।

प्रतिक्रिया