शुक्रबार, साउन २२ २०७८
काठमाडौं ०२:४७
वासिङटन डिसी 17:02

प्रहरी कार्यालय अगाडि कालोबजारी गर्ने पक्राउ

इनेप्लिज २०७२ जेठ १२ गते १५:२१ मा प्रकाशित

pakraauकाठमाडौँ १२ जेठ । महानगरीय प्रहरी कार्यालय रानीपोखरी अगाडि रहेको रणद्वीप आकाशे पुलमुनि पसल सञ्चालन गर्नेले नै सर्वसाधारणबाट तोकिएको मूल्यभन्दा बढी शुल्क लिई कालोबजारी गर्ने गरेको भेटिएको छ ।

दुई रुपैया पर्ने फोटोकपी शुल्कलाई रु २० लिएको र नेपाल सरकारद्वारा निर्धारित हुलाक टिकट रु १० लाई रु २० लिई सर्वसाधारणलाई ठगी गरी कालोबजारी गरेको अवस्थामा प्रहरीले आज छ जनालाई पक्राउ गरेको छ ।

सो पुलमुनि पसल गर्ने अभिशेख क्षेत्री, कृष्णकुमार तामाङ, घनराज श्रेष्ठ, सुदीप नेपाली, मीनप्रसाद चौलागाईं र राज तिमिल्सिना छन् ।

निजहरुलार्ई कालोबजारी ऐनअन्तर्गत म्यादथप गरी अनुसन्धान अगाडि बढाइएको महानगरीय प्रहरी परिसरका प्रवक्ता प्रहरी उपरीक्षक विश्वराज पोखरेलले जानकारी दिनुभयो ।

प्रतिक्रिया