आइतबार, साउन १० २०७८
काठमाडौं ०५:५६
वासिङटन डिसी 20:11

अपाङ्गता भएकालाई तालिम

इनेप्लिज २०७२ जेठ ११ गते ७:१२ मा प्रकाशित

apangaबर्दिया, ११ जेठ । अपाङ्गता भएका व्यक्तिका लागि घरेलु तथा साना उद्योग कार्यालय ३० दिने सजावट सामग्री निर्माण तालिम सञ्चालन गरेको छ ।

बर्दिया अपाङ्ग पुनःस्थापना केन्द्र र नेत्रहीन सङ्घले संयुक्त रुपमा आयोजना गरेको उक्त तालिमको गुलरिया नगरपालिकाका कार्यकारी अधिकृत धर्मराज न्यौपानेले उद्घाटन गर्दै बजारमा सजावटका सामग्रीको माग बढ्दै गएकाले अपाङ्गता भएका व्यक्तिलाई तालिमको व्यवस्था गरिएको बताउनुभयो ।

घरेलु तथा साना उद्योग कार्यालयका निमित्त उद्योग अधिकृत राजाराम गौतमले जिल्लामा अपाङ्गता भएका व्यक्तिका लागि पहिलोपटक तालिम आयोजना गरिएको जानकारी दिँदै सिकेका सीप व्यवहारमा अनुवाद गर्नुपर्नेमा जोड दिनुभयो ।
तालिममा गुलरिया, सानोश्री ताराताल, महम्मदपुर र कालिका गाउँ विकास समितिका अपाङ्गता भएका १० जना सहभागी छन् ।

प्रतिक्रिया