महामञ्जुश्री नगरकोट नगरपालिकास्थित सुडाल मिश्रिकोटारमा आयोजना गरेको स्वास्थ्य शिविरमा नेपाली सेनाको सात चिकित्सकसहित नर्स, ल्याब टेक्निसियनसहित १७ जनाको स्वास्थ्य टोली तथा ६० जनाको स्वयम्सेवीको टोलीले सेवा पु¥याएको जनाएको छ ।

शिविरमा जनरल मेडिसिन, हाडजोर्नी, सर्जिकल, नाक, कान, घाँटी, आँखा, दाँत, स्त्री रोग, प्रसूति, बालरोग, साइकोथेरापी, ल्याबरोटोरी सेवा सञ्चालन गरेको नेपाली सैनिक प्रतिष्ठान खरिपाटीका कर्नेल रामहरि केसीले जानकारी दिनुभयो ।

प्रतिष्ठानसहित ज्वाला दल गण, सैनिक समाचार शिक्षालय, विद्युत् तथा यान्त्रिक शिक्षालय, उपत्यका पृतना हवाई सुरक्षा ब्याट्रीसहितको संयोजनमा शिविरको आयोजना गरेको हो ।

भूकम्पमा पीडित भएका बिरामीका लागि लक्षित गरी आयोजना गरिएको शिविरमा अन्य दीर्घ रोगीको समेत स्वास्थ्य परीक्षण एवम् उपचार भएको उहाँले बताउनुभयो ।

ज्येष्ठ नागरिक र अपाङ्ग भएका बिरामीलाई यातायातका साधनले ल्याउने र लैजाने व्यवस्था गरेको थियो । शिविरमा आउने सबैलाई नेपाली सेनाको हेर्डक्वाटरबाट सहयोगमा निःशुल्क औषधि वितरण गरेको थियो ।