काठमाडौं । मजदुरीका लागि कतार गएका दुई नेपालीले ज्यान गुमाएका छन् । कतारमा बुधबार बिहान भएको सवारी दुर्घटनामा दुई मजदुर नेपालीको मृत्यु भएको हो । बीच सडकमा मजदुर बोकेको मिनिबसलाई ट्रकले ठक्कर दिएपछि भएको दुर्घटनामा २ जना नेपालीसँगै २ जना फिलिपिन्सका नागरिककको पनि मृत्यु भएको अन्तर्राष्ट्रिय सञ्चारमाध्यमले जनाएका छन् । ज्यान गुमाउने चारैजना दोहास्थित एक निर्माण कम्पनीका मजदुर थिए । ज्यान गुमाउनेमा नेपालबाट मजदुरीका लागि कतार पुगेका ४५ वर्षीय रामप्रसाद राजवंशी र २२ वर्षीय गिरिराज खनाल रहेका छन् ।