गाउँमा भेटिएको कीरा यसो हेर्दा कैँचीले काटेर बनाएको पुतलीजस्तो देखिन्छ । अनौठो कीरा हेर्न निस्किएका मानिस नै कीरा देखेपछि छक्क पर्ने गरेका छन् । मानिस देखेपछि पात सरर हिँड्न थाल्यो सबैलाई चकित बनायो । जिर्मले–४ स्थित रम्भ्याङको बालविकास परिसरमा हालसम्म कहिले नभेटिएको र नदेखिएको अनौठो प्रजातिको कीरा देखिएको हो ।

सानो कित्रा आकारको कीरा दुधिलोको पातजस्तै रहेको चारवटा खुट्टा रहे पनि फटेङ्ग्राजस्तो सुक्खा स्थानमा हिँड्दा शरीरको भाग पातजस्तै बटारेर र झारपातमा हिँड्दा शरीर फिजाएर हिँड्ने गरेको छ । हालसम्म त्यस्तो प्रकारको कीरा नपाइने गरेको र आफूले कहिल्यै नदेखेको स्थानीय शिक्षक गोविन्द पौडेलले बताउनुभयो । त्यो कीरालाई अहिले स्थानीय बालविकास केन्द्रमा राखिएको छ ।