रङ्गपुर गाविस वडा नं ९ मनहर्वामा प्रतापपुर पल्टुवाबाट आउँदै गरेको ना २५ प १४३० नम्बरको मोटरसाइकललाई विपरित दिशाबाट जाँदै गरेको ना ५ ख ४५०५ नम्बरको ट्रकले ठक्कर दिँदा लक्ष्मिपुर गाविस–९ वस्ने १७ वर्षीय इसु महमद मन्सुरीको घटनास्थलमै मृत्यु भएको इलाका प्रहरी कार्यालय चन्द्रनिगाहपुरले जनाएको छ ।

प्रहरीले ट्रक चालक चन्द्रपुर नगरपालिका–६ जुडिबेला घर भएका राजु परियारलाई नियन्त्रणमा लिएको छ । साथै, प्रहरीले क्षतिग्रस्त बनेको मोटरसाइकल तथा ट्रकलाई पनि नियन्त्रणमा लिएको छ । मृतकको शव परीक्षणका लागि चन्द्रनिगाहपुर अस्पतालमा राखिएको छ । घटनाका सम्बन्धमा थप अनुसन्धान भइरहेको प्रहरीले जनाएको छ ।