आठ गाविस सञ्चार सेवाबाट प्रभावित

धुन्चे (रसुवा), १ जेठ । गत १२ गतेको भूकम्पबाट उपकरण क्षति हुँदा उत्तरी रसुवाका आठ गाविस सञ्चार सेवाबाट प्रभावित भएका छन् ।

नेपाल टेलिकम रसुवाका प्रमुख तोयानाथ रिजालका अनुसार रसुवागढीमा जडित २०० लाइन क्षमताको लाइन फोन र चिनियाँसँग सम्पर्क गर्ने रेडियो, गोल्जुङको बाहुनडाँडा र लाङटाङ क्षेत्रमा जडित टेलिफोनका सबै उपकरण नष्ट भएका कारण टेलिफोन तथा मोबाइल सेवा बन्द भएको हो ।
लाङटाङका स्थानीयवासी अन्यत्र सरिसकेका र वृदिम, टिमुरे, थुमन, चिलिमे, गोल्जुङ, गतलाङ क्षेत्र सञ्चारविहीन भएको बताइएको छ ।