सप्तरीको जण्डौल गाविस–८ निवासी ३० वर्षीया दुलारीदेवी साहको शव सोही गाविसस्थित चुरे जङ्गल क्षेत्रमा गाडिएको अवस्थामा प्रहरीले सोमबार साँझ फेला पारेको हो । गोप्य सूचनाका आधारमा प्रहरी उपरीक्षक शिविर कर्माचार्य, प्रहरीनायब उपरीक्षक नारायण चिमरियासहित पुगेको प्रहरी टोलीले जङ्गल क्षेत्रको पाँच ठाउँमा उत्खनन कार्य गराउँदा दुलारीको सडेको शव फेला परेको हो ।

शवको प्रकृति हेर्दा पाँच/छ महिनाअघि नै दुलारीको हत्या गरी सो स्थानमा पुरिएको आशङ्का गरिएको छ । शव फेला परेपछि मुचुल्का गरी डिएनए परीक्षणका लागि पठाउने तथा अन्य कानुनी प्रक्रिया लगायतका कारबाही सुरु गरिएको प्रहरीनायब उपरीक्षक नारायण चिमरियाले जानकारी दिनुभयो ।