बुधबार, मंसिर १० २०७७
काठमाडौं २२:३७
वासिङटन डिसी 11:52

प्रचण्ड गर्मीले जनजीवन असामान्य

इनेप्लिज २०७२ वैशाख २८ गते ११:०२ मा प्रकाशित

13sumanphoto4नेपालगन्ज, २८ वैशाख । प्रचण्ड गर्मी र तातो हावा (लू) सँगै बाँके जिल्लाको जनजीवन असामान्य बन्दै गएको छ ।

करिब ४० डिग्री सेल्सियसको आसपास रहेको यहाँको तापक्रमका कारण जिल्लावासी अत्यन्त आवश्यक कामबाहेक बिहान र बेलुका घरबाट बाहिर निस्कदैँनन् ।

प्रचण्ड गर्मी बढदै गएपछि सरकारी तथा गैरसरकारी कार्यालयमा सेवाग्राहीको उपस्थिति समेत पातलिएको छ भने बजारमा चिसो पेय तथा खाद्य पदार्थको बिक्री ह्वात्तै बढेको छ ।

यहाँका बासिन्दाले गर्मीयाममा प्रायः काँक्रो, तरबुजा, खरबुजा, लस्सी, आइसक्रिम, कुल्फी अधिक खाने गर्दछन् ।

वैशाखको तेस्रो सातादेखि ह्वात्तै बढेको गर्मी र चलेको तातो हावाले सरुवा रोगका बिरामीको चाप पनि स्थानीय अस्पतालमा बढ्न थालेको अस्पतालका चिकित्सक बताउँछन् ।

जिल्लाको भेरी अञ्चल अस्पताल, नेपालगन्ज तथा कोहलपुर शिक्षण अस्पतालमा दैनिक सरदर ३५/४० जना विभिन्न सरुवा रोगका बिरामी उपचारका लागि आउने गरेका छन् ।

यस वर्षको गर्मीयाम सुरु भएयता बाँके जिल्लामा पानी पर्न सकेको छैन ।

प्रतिक्रिया