शुक्रबार, मंसिर १९ २०७७
काठमाडौं १६:५८
वासिङटन डिसी 06:13

भूकम्पबाट इलाममा तीन सय घर पूर्णरूपमा ध्वस्त

इनेप्लिज २०७२ वैशाख २२ गते ५:०१ मा प्रकाशित

bhukampa11इलाम, २२ वैशाख । एक साताअघि गएको विनाशकारी भूकम्पमा इलाममा ३०० घर पूर्णरूपमा ध्वस्त भएका छन् । भूकम्पबाट एक हजार ८९३ घरमा आंशिक क्षति पुगेको सहायक प्रमुख जिल्ला अधिकारी सुजन फागोले बताउनुभयो ।

यस्तैगरी ६६ वटा पक्की, दुई हजार १२१ कच्ची घरमा भूकम्पले क्षति पुर्‍याएको छ । जिल्लाका तीन नगरपालिका र ३८ गाविसमा भूकम्पले करोडौँको क्षति पुर्‍याएको जिल्ला प्रशासन कार्यालयले जनाएको छ ।

पीडितलाई राहत वितरणका लागि नेपाल रेडक्रस सोसाइटी र जिल्ला प्रशासन कार्यालयको अगुवाइमा क्षतिको अनुगमन सुरु गरिएको छ । अनुगमनपछि वास्तविक विस्थापित र पीडितलाई मात्र राहत प्रदान गर्न सहजता होस् भनेर अनुगमन गरिएको र बुधबारदेखि राहत वितरण गरिने रेडक्रस सोसाइटी जिल्ला शाखाका सभापति देवीप्रसाद गौतमले बताउनुभयो ।

प्रतिक्रिया