पार्टी प्रवक्ता सगुनसुन्दर लावतीले आज एक विज्ञप्ति जारी गरी सम्पूर्ण कार्यकर्ता पङ्क्तिलाई उद्धार, राहतलगायतमा सहयोग पुर्‍याउन÷परिचालन गर्न राजनीतिक दलहरुलाई आह्वान गर्नुभएको छ ।

सो पार्टीले काठमाडौँ उपत्यकाका अतिरिक्त बाहिरका प्रभावित जिल्लामा द्रूत गतिमा उद्धार तथा राहत वितरण हुन नसकेको भन्दै सरकारको ध्यानाकर्षणसमेत गराएको छ । साथै सो पार्टीले भूकम्पबाट भएको जनधनको क्षतिप्रति दुःख व्यक्त गर्दै शोक सन्तप्त परिवारजनप्रति समवेदना प्रकट गरेको छ ।