इनेप्लिज
२०७२ वैशाख ११ गते २:३५ मा प्रकाशित
परासी, ११ वैशाख । नवलपरासीको विकट पहाडी धैबादी गाउँ विकास समितिमा हावाबाट बिजली बाल्न पाएपछि स्थानीयहरू खुसी भएका छन् ।
नेपालमै पहिलो पटक वायु सौर्य ऊर्जा उन्नत प्रविधि हावाबाट बिजुली निकाल्ने प्रविधि विधिबाट बिजुली बाल्न पाएपछि स्थानीयहरू खुसी भएका हुन् ।
जसबाट पहाडी धौबादी गाविसका ६० घरपरिवारले बिजुली बाल्न पाएका छन् ।
जडित बायु सौर्य ऊर्जा उन्नत प्रविधिबाट १२ किलोवाट बिजुली निकालिएको हो । जसअन्तर्गत १० किलोवाट वायु ऊर्जा र दुई किलोवाट सोलार प्रविधिबाट निकालिएको छ ।
नेपालमै पहिलो पटक हावाबाट बिजुली निकाल्ने यो प्रविधि नवलपरासीको पहाडी धैबादीको रुद्रपुर गाउँमा छ ।
विशेष गरी नवपरासीको धैवादीलाई नवीकरणीय ऊर्जाको क्षेत्रमा नमुना गाउँ बनाउने उद्देश्यका साथ एसियाली विकास बैंकले दुई वर्षअघि सो प्रविधिको जडान गरिदिएको थियो ।
प्रतिक्रिया