बिहीबार, मंसिर १८ २०७७
काठमाडौं २२:४३
वासिङटन डिसी 11:58

झाडापखालाबाट बालकको मृत्यु

इनेप्लिज २०७२ वैशाख १० गते ३:३१ मा प्रकाशित

diarrhoeaभीमदत्तनगर, १० वैशाख । दार्चुलाको सुनसेरा गाविस–५ दम्फामा झाडापखालाका कारण एक बालकको बुधबार मृत्यु भएको छ ।

नौ वर्षीय बालक खिमाराम कामीको झाडापखालाका कारण मृत्यु भएको हो ।

सोमबारदेखि बिरामी भएका कामी मङ्गलबार उपचारका लागि सुनसेरा स्वास्थ्य चौकी लगेका थिए । स्वास्थ्य चौकीमा झाडापखालामा लगाउने आरएल सलाइन नभएपछि बिरामीलाई जिल्ला अस्पताल सिफारिस गरिएको स्वास्थ्य चौकी इन्चार्ज दरपालसिंह कुँवरले बताउनुभयो ।

मृतक बालकलाई बुधबार अस्पताल ल्याउने तयारी गरेको बेला घरमै मृत्यु भएको मृतकका बुबा हरेराम कामीले बताउनुभयो । स्वास्थ्य चौकी इन्चार्ज कुँवरका अनुसार स्वास्थ्य चौकीले झाडापखाला लागेका थप तीन जना बालबालिकालाई उपचारको लागि जिल्ला अस्पताल सिफारिस गरेका छन् ।

प्रतिक्रिया