बिहीबार, मंसिर ११ २०७७
काठमाडौं ०७:३२
वासिङटन डिसी 20:47

कृषकहरुलाई ११ वटा हाते ट्याक्टर वितरण

इनेप्लिज २०७२ वैशाख ९ गते २:५१ मा प्रकाशित

haate-tractorगाईघाट (उदयपुर), ९ वैशाख । जिल्ला कृषि विकास कार्यालय उदयपुरले मङ्गलबार जिल्लाका विभिन्न कृषक समूहलाई ११ वटा हाते ट्याक्टर वितरण गरेको छ ।

पचास प्रतिशत जिल्ला कृषि विकास कार्यालयको अनुदान र बाँकी कृषक समूहकै लगानीमा ११ वटा हाते ट्याक्टर जिल्लाका विभिन्न कृषक समूहलाई मङ्गलबार एक कार्यक्रमबीच वितरण गरिएको जिल्ला कृषि विकास अधिकृत पवन गिरीले बताउनुभयो ।

ट्याक्टर वितरण गरिएका समूहमा कृषि सहकारी तपेस्वरी, कृषि सहकारी संस्था रामपुर ठोक्सिला, तरकारी कृषि उत्पादक बेल्टार, भलायाडाँडा महिला कृषक समूह, कृषक कृषि समूह रिस्कु र कटारी कृषक समूह रहेका छन् ।

उदयपुरमा खेत जोत्न र कृषक समूहलाई तरकारी फलफूल लगाउनका लागि हाते ट्याक्टर प्रभावकारी हुँदै गएपछि यसको वितरण गरिएको जिल्ला कृषि विकास कार्यालय उदयपुरले बताएको छ ।

गत वर्ष पनि दुई पटक गरेर राष्ट्रिय बाली विकास आयोजनाको सहयोगमा उदयपुरका विभिन्न कृषक समूहलाई दश वटा हाते ट्याक्टर वितरण गरिएको थियो ।

प्रतिक्रिया