पार्टीका महासचिव ईश्वर पोखरेलसहितका नेतालाई स्वास्थ्य मन्त्री अधिकारी, स्वास्थ्य मन्त्रालयका सचिव शान्तबहादुर श्रेष्ठ र स्वास्थ्य सेवा विभागका महानिर्देशक डा. सेनेन्द्रराज उप्रेतीले जाजरकोटमा भइरहेको इन्फ्लुएञ्जाका सम्बन्धमा भर्खरै गरिएको स्थलगत अध्ययनको प्रतिवेदनबारे अवगत गराउनुभएको थियो ।

जिल्लामा गरिबी, विषम बसाइ स्थिति, रहन–सहन, खान–पान र अन्धविश्वासका कारण पनि स्वास्थ्य समस्या जटिल स्थितिमा रहेको हुनाले मन्त्रालयका तर्फबाट पर्याप्त स्वास्थ्यकर्मी र औषधि पु¥याउन जोड दिँदै महासचिव पोखरेलले विभिन्न पार्टीसम्बद्ध राजनीतिक कार्यकर्ताको सर्वदलीय परिचालनमार्फत नियन्त्रणका निम्ति प्रभावकारी रुपमा कदम चाल्न पनि आग्रह गर्नुभएको एमाले केन्द्रीय कार्यालयले जनाएको छ ।

त्यस अवसरमा पार्टीका सचिवालय सचिव प्रदीप ज्ञवाली, सङ्गठन विभाग प्रमुख पृथ्वी सुब्बा गुरुङ, पोलिटब्युरो सदस्यहरू काशीनाथ अधिकारी र थममाया थापा, केन्द्रीय कार्यालय सचिव कृष्णगोपाल श्रेष्ठ र प्रचार विभाग उपप्रमुख सूर्य थापा तथा पार्टीको स्वास्थ्य विभाग सम्बद्ध प्रतिनिधिको उपस्थिति थियो ।