भद्रपुर, ३० चैत । झापाको बनियानीमा एकदिने हाडजोर्नी तथा नसा रोगसम्बन्धी शिविर सम्पन्न भएको छ ।
नेपाल अर्थोपेडिक अस्पताल जोरपाटी काठमाडौंको सहयोग तथा रोटरी क्लब अफ भद्रपुर र नेपाल अपाङ्ग सङ्घ झापाको आयोजनामा सो निःशुल्क शिविर सम्पन्न भएको हो ।
झापाको दक्षिण भेग बनियानी, वालुवाडी, केचना, पाठामारी र भारतको विहारका गरी शिविरमा २७० को जाँच परीक्षण गरिनुका साथै निःशुल्क औषधि वितरण गरिएको आयोजक समितिका धनजुजु श्रेष्ठले जानकारी दिनुभयो ।
अर्थोपेडिक अस्पताल जोरपाटी काठमाडाँैका विशेषज्ञ चिकित्सकहरु अनिल श्रेष्ठ, सजु प्रधान, मन्दीप कार्की र लक्ष्मीप्रसाद मैनालीलगायतले शिविरमा बिरामीको परीक्षण गर्नुभएको थियो ।
प्रतिक्रिया