सिरहाको सीतापुर–७ मा भएको आगलागीमा स्थानीयवासीका आठ घर जलेर नष्ट हुँदा रु ५० लाख बराबरको क्षति भएको छ । स्थानीयवासी वसुवा यादवका घरबाट राति १२ बजेतिर आगो सल्केको थियो । आगलागीमा परी यादवका दुई भैँसी र दुई बाख्रासमेत मरेका छन् । आगो स्थानीयवासी र प्रहरीको सहयोगमा राति १ बजे नै नियन्त्रण लिइएको थियो ।

यस्तै गए राति नै सप्तरीका बेलही र पकरी गाविसमा भएको आगलागीमा दुई घर जलेर नष्ट भएको छ । बेल्ही–१ बस्ने नारायण साहका घरमा आगलागी हुँदा करिब रु दुई लाख पच्चीस हजार बराबरको क्षति भएको अनुमान गरिएको छ । त्यस्तै सप्तरीकै पकरी–२ का पवन सदाका घरमा आगालागी हुँदा घर तथा घरभित्रको सम्पूर्ण सामान जलेर नष्ट भएको छ ।