अमरगढी नगरपालिका–७ का स्थानीय बासिन्दा श्रमदान गरी सडकको निर्माणमा जुटेका हुन् ।

सडक निर्माणका लागि पटकपटक सम्बन्धित निकायलाई आग्रह गर्दा बेवास्था गरिएपछि कुनै पनि सरकारी लगानीबिना स्थानीय बासिन्दा सडकको निर्माणमा जुटेको सडक निर्माण समितिका अध्यक्ष सिद्धराज भट्टराईले बताउनुभयो ।

उहाँले स्थानीयको अग्रसरतामा पोखरादेखि सल्ला गाँउसम्म डेढ किलो मिटर सडक खन्ने कार्य सम्पन्न भएको जानकारी दिनुभयो ।

सडक सुविधा नहुँदा स्थानीय बासिन्दा निकै समस्यामा पर्दै आएको र धार्मिक क्षेत्र शैलेश्वर मन्दिर ओझेलमा परेकाले सडक निर्माण थालिएको उहाँको भनाइ छ ।