शुक्रबार, मंसिर १२ २०७७
काठमाडौं ०३:२६
वासिङटन डिसी 16:41

लखनपुरमा बसाइँसराइ बढ्यो

इनेप्लिज २०७१ चैत १९ गते ३:०८ मा प्रकाशित

Jhapa_nepal-mapदमक, १९ चैत । झापाको लखनपुर गाविसमा बसाइँ सरेर आउने क्रम बढेको छ ।

यस वर्षको ११ महिनामा बसाइँ सरेर जानेकोभन्दा आउनेको सङ्ख्या झन्डै तेब्बर बढिरहेको गाविसले जनाएको छ । विकासका धेरै पूर्वाधार रहेको तथा गाविस भएर पनि सडक, विद्युत् तथा अन्य सुविधा सहज भएका कारण बसाइँ सरेर आउने क्रम उच्च रहेको गाविस सचिव राजकुमार शाक्यले बताउनुभयो ।

यससँगै नजिकै रहेको दमक बजारको तुलानामा बसोवास र जमिनसमेत सस्तो रहेका कारणसमेत आवासीयरुपमा लखनपुर आकर्षकस्थल बन्दै गएको गाविस सचिव शाक्य बताउनुहुन्छ ।

दमकका आधाभन्दा बढी वडाको तुलनामा लखनपुरमा विकासका पूर्वाधार शिक्षा, सञ्चारलगायतको पहुँच सहज भएकाले पनि बसाइँ सरेर आउनेको रोजाइ भएको हुनसक्ने उहाँको भनाइ छ ।

लखनपुरमा यस वर्षको वैशाखदेखि फागुन मसान्तसम्म बसाइँ सरेर ६६७ परिवार आएका छन् । यसरी बसाइँ सरेर आउनेमा अधिकांश पूर्वी पहाडी तथा ग्रामीण क्षेत्रका सर्वसाधारण रहेका छन् ।

तर यस गाविसबाट अन्यत्र भने जम्मा २७२ परिवार गएका छन् ।

प्रतिक्रिया