डढेलोबाट वन जोगाउन अग्निपथ निर्माण
रत्ननगर (चितवन), २५ फागुन । गर्मीयाम सुरु भएसँगै यहाँका सामुदायिक वनले अग्निपथ निर्माण सुरु गरेका छन् ।
सामुदायिक वन उपभोक्ता महासङ्घ चितवनका अध्यक्ष सुरवीर पोख्रेलले पुराना अग्निपथलाई व्यवस्थित गर्ने र नयाँ अग्निपथ निर्माणका लागि उपभोक्ता समितिलाई निर्देशन दिएको बताउनुभयो । कतिपय ठाउँमा कामसमेत सुरु भइसकेको जानकारी आएको उहाँले बताउनुभयो । जिल्लाका अधिकांश सामुदायिक वन संरक्षणमा नमुना रहेका छन् । दशकअघि नाँगा पाखापखेरा अहिले हरियालीसमेत भएका छन् ।
सामुदायिक वनको अवधारणाका कारण वन संरक्षणमा नेपाल उदाहरणीय बनेको भन्दै अध्यक्ष पोख्रेलले अब जोगाइराख्ने र वन्यजन्तुको संरक्षण गर्ने जिम्मा पनि उपभोक्तामा रहेको बताउनुभयो । उहाँले वनमा आगलागी भइहालेमा पनि आवश्यक तयारीमा बस्न सामुदायिक वनका उपभोक्तालाई आग्रह गरिएको बताउनुभयो ।
सार्वजनिक एक तथ्याङ्कअनुसार नेपालमा मानवीय कारण ९९ प्रतिशत वन डढेलो हुने गरेको छ । यसलाई रोक्न मानव समुदायलाई सचेत बनाउनु नै मुख्य कुरा भएको डढेलोका अध्यता संरक्षणकर्मी दुर्गाबहादुर कार्कीको भनाइ छ ।
नेपालको समथल क्षेत्रमा १७ प्रतिशत र पहाडी क्षेत्रमा ८३ प्रतिशत वन रहेकाले डढेलोको उच्च जोखिम पहाडी क्षेत्रमा बढी हुन्छ । चितवनमा ७० भन्दा बढी सामुदायिक वन रहेको छ । पछिल्लो समयमा यहाँको मध्यवर्ती क्षेत्रमा रहेका सामुदायिक वनमा संरक्षित र दुर्लभ वन्यजन्तुसमेत भएकाले अझै वन डढेलोको कडा निगरानी आवश्यक भएको वन पदाधिकारीहरुले बताएका छन् ।
मध्यवर्ती क्षेत्रका सामुदायिक वनमा निकुञ्जमा पाइने बाघ, गैँडा, चित्तललगायत बन्यजन्तु र विभिन्न प्रजातिका चरासमेत रहेका छन् । त्यसैले पनि डढेलोबाट वन जोगाउनु आवश्यक छ ।
टेक्ससमा गोली लागि निधन भएका रमेश थापाको सहयोगार्थ गो फन्डमा खोलेको १८ घण्टा भित्र १३ हजार डलर संकलन
टेक्ससमा गोली हानेर नेपाली रमेश थापाको हत्या
टेक्ससमा रमेश थापालाई गोली हानी हत्या गर्ने संदिग्ध २३ बर्षिय फ्रान्सिस ओ निल गिरफ्तार
काठमाडौको प्रदुषण र जाम हटाउन चीनबाट केही सुझाबहरु
भर्जिनियाको सडक दुर्घटनामा एक नेपालीको दुखद निधन
एन्काको नया बर्ष र साधारण सभा सम्पन्न
भर्जिनीयामा एनआरएनए अध्यक्ष पदका उमेदवार बुद्धीसागर सुबेदी र समुहसंग अन्तरक्रिया कार्यक्रम हुने
नेपाली समुदायद्वारा सिटी काउन्सिल डिस्ट्रिक्ट २५ का उम्मेदवार यि (एन्डी )चेनका लागि समर्थन कार्यक्रम सम्पन्न
जर्ज फ्लोयडले न्याय पाएकोमा सभामुख न्यान्सी पेलोसीद्वारा हर्ष व्यक्त
न्याकद्वारा राम नवमीमा पूजा अर्चना र भजनकीर्तन गरिंदै
प्रतिक्रिया