बिहीबार, कार्तिक ६ २०७७
काठमाडौं २१:०८
वासिङटन डिसी 11:23

नेतृत्व तहमा नारी नहुँदा समाज रुपान्तरणमा समस्या: मन्त्री बस्नेत

इनेप्लिज २०७१ फागुन २४ गते १४:०८ मा प्रकाशित

Mahesh_20150204063639भक्तपुर, २४ फागुन । उद्योग मन्त्री महेश बस्नेतले नारीहरुलाई नेतृत्व तहमा लैजान नसक्दा समाज रुपान्तरणमा समस्या आएको बताउनुभएको छ ।

अनन्तलिङ्गेश्वर नगरपालिकामा आज आयोजित कार्यक्रममा उहाँले समाज रुपान्तरणमा नरनारीको भूमिका उत्तिकै रहने चर्चा गर्दै समाजले नारीको भूमिका गौण राख्न नहुने बताउनुभयो ।

नारीहरुले आफूले आफैँलाई कमजोर महशुस गर्न नहुने बताउँदै मन्त्री बस्नेतले समाज रुपान्तरणमा नारी आफैँ अग्रसर हुनुपर्दछ भन्नुुभयो ।

युवालाई स्वदेशी उत्पादनमा लगाएर स्वेशमा नै रोजगारीको सिर्जना गर्नुपर्ने बताउँदै उहाँले युवा वर्ग रोजगारी सिर्जना गर्ने काममा लाग्नुपर्नेमा जोड दिनुभयो ।

अनन्तलिङ्गेश्वर नगरपालिका क्षेत्र पर्यटकीय रुपमा रमणीय भएकाले यहाँको प्राकृतिक स्रोत र साधनको सदुपयोग गर्दै धार्मिक तीर्थस्थल एवम् पर्यटकीय क्षेत्रका रुपमा विकास गर्नुपर्ने उहाँको भनाइ थियो ।

प्रतिक्रिया