मंगलबार, कार्तिक ४ २०७७
काठमाडौं १४:११
वासिङटन डिसी 04:26

कार्यालय प्रमुखले औषधि सेवन गरेनन्

इनेप्लिज २०७१ फागुन २४ गते ५:०३ मा प्रकाशित

Aausadhiदार्चुला, २४ फागुन । हात्तीपाइले रोगविरुद्धको औषधि शनिबार जिल्लाभर एकैसाथ खुवाइए पनि जिल्लास्थित अधिकांश कार्यालय प्रमुख एवम् सुरक्षा निकायका प्रमुखले सेवन गरेनन् ।

सबै औषधि केन्द्रमा स्थानीयवासी प्रायः सबैले औषधि सेवन गरे पनि प्रजिअसहित अधिकांश कार्यालय प्रमुखले नगरेको जिल्ला स्वास्थ्य कार्यालयले जनाएको छ । प्रजिअ प्रेमसिंह कुँवर, प्रहरी प्रमुख नैनसिंह कार्की तथा स्थानीय विकास अधिकारी बद्रीप्रसाद तिवारीले उच्च रक्तचापका कारण औषधि सेवन नगरेको बताउनुभयो । अनुसन्धान अधिकृत दण्डपाणि पौडेलले भने आफूले औषधि सेवन गरेको बताउनुभयो ।

प्रतिक्रिया