शुक्रबार, कार्तिक ७ २०७७
काठमाडौं १४:०८
वासिङटन डिसी 04:23

म्याग्दीमा थप २१ जना द्वन्द्वपीडित पहिचान

इनेप्लिज २०७१ फागुन २० गते ३:२५ मा प्रकाशित

Myagdi_district_locationबेनी (म्याग्दी), २० फागुन । जिल्ला प्रशासन कार्यालय म्याग्दीले २१ जना नयाँ द्वन्द्वपीडितको राहतका लागि शान्ति तथा पुनःनिर्माण मन्त्रालयमा सिफारिस गर्ने निर्णय गरेको छ ।

प्रमुख जिल्ला अधिकारी टेकबहादुर केसीको अध्यक्षतामा बसेको द्वन्द्वपीडित विषयगत राहत सिफारिस समितिको बैठकले २१ जना नयाँ द्वन्द्वपीडितको राहतका लागि सिफारिस गर्ने निर्णय गरेको हो ।

अहिलेसम्म कुनै पनि प्रकारको राहत तथा सेवा सुविधा नपाएका बेपत्ता, घाइते, विस्थापित, मृतक र सम्पत्ति क्षति भएका पीडितको राहतका लागि सिफारिस गर्ने निर्णय गरेकोे हो ।

सिफारिस गरिएकामध्ये तीन बेपत्ता पारिएका व्यक्ति, छजना घाइते, एक मृतक, चार विस्थापित र सात जना सम्पत्ति क्षति भएका रहेको स्थानीय शान्ति समिति म्याग्दीले जानकारी दिएकोे छ ।

द्वन्द्वपीडित लागत सङ्कलनका लागि केही समय पहिले शान्ति तथा पुनःनिर्माण मन्त्रालयले सूचना जारी गरेको थियो ।

प्रतिक्रिया