साठीभन्दा बढी निलगाई फेला

इनेप्लिज २०७१ फागुन १९ गते ६:३९ मा प्रकाशित

khabarnilgaiगौशाला, १९ फागुन । महोत्तरी जिल्लाको दक्षिण पश्चिम सिमानाकामा अवस्थित इटहर्वाकट्टि र मनरा गाविसमा एक्कैसाथ ६० भन्दा बढी निलगाई फेला परेको छ ।

दुर्लभ वन्यजन्तुको रुपमा रहेको निलगाई सो गाविसको वनमा एक्कासी देखिएको स्थानीय बासिन्दाले बताएका छन् ।

ठूलो सानो विभिन्न आकारका पाँच दर्जनभन्दा बढीको सङ्ख्यामा रहेका निलगाई ती गाविसको वनमा लगाइएको दलहन, तेलहन र तरकारीवालीमा प्रवेश गरेर सबै बाली खाइदिएको मनराका रवीन्द्र भगतले बताउनुभयो ।

दर्जनौँको सङ्ख्यामा निलगाई फेला परेकाबारे स्थानीय बासिन्दाले जिल्ला प्रशासन तथा जिल्ला वन कार्यालयमा जानकारी गराइसकेका छन् ।

अहिले माथिल्लो वन जङ्गलमा डढेलो, चोरी शिकारीजस्ता कार्यले गर्दा दुर्लभ वन्यजन्तु निलगाई महोत्तरीको तल्लो क्षेत्रतिर आएको स्थानीयवासी बताउँछन् ।

प्रतिक्रिया