रौतहटमा बालविवाह विकराल बन्दै

इनेप्लिज २०७१ फागुन १९ गते १:२९ मा प्रकाशित

weadingरौतहट, १९ फागुन । रौतहट जिल्लामा बालविवाह न्यूनीकरण अझै चुनौतीपूर्ण रहेको पाइएको छ ।

बालअधिकारको क्षेत्रमा क्रियाशील सामाजिक सङ्घसंस्थाले रौतहटमा बालविवाहविरुद्ध विभिन्न कायक्रम गर्दै आए पनि बालविवाह भने रोकिएको छैन ।

एकसय जनाको विवाह हुँदा रौतहमा ३९ प्रतिशत बालविवाह हुने गरेको एक तथ्याङ्कले देखाएको छ । तथ्याङ्कअनुसार रौतहटमा सम्पूर्ण विवाहमध्ये ५२ प्रतिशत बालविवाह हुने गरिएको छ ।

विसं २०६८ को जनगणनाअनुसार रौतहटमा १० वर्षभन्दा कम उमेरमा विवाह गर्ने बालिकाको सङ्ख्या दुई हजार ९४ जना रहेको छ । यस्तै १० देखि १४ वर्ष उमेर समूहका ३५ हजार ६०६ बालिकाको विवाह भएको तथ्याङ्क छ ।

परम्परागत सामाजिक मान्यता एवम् संस्कारको कारण सानै उमेरमा बालबालिकाको विवाह गर्ने गरेको पाइएको महिला तथा बालबालिकाको क्षेत्रमा कार्यरत महिला सुरक्षा दबाब समूहका कार्यक्रम अधिकृत टीका घिमिरेले बताउनुभयो ।

बालविवाह न्यूनीकरणका लागि वैवाहिक सम्बन्धको चाँजोपाजो मिलाई दिने समाजका लमी, पुरोहित, मौलवी, पण्डित एवम् अभिभावकमा जनचेतनाको अभिवृद्धि गर्नुपर्ने उहाँंको भनाइ छ ।

प्रतिक्रिया