मलुकभर लगातार परेको वर्षाले दृश्यता (भिजिविलिटी) कम हुँदा आन्तरिक उडान प्रभावित भए पनि अन्तर्राष्ट्रिय उडान भने सामान्य रहेको विमानस्थलले जनाएको छ ।

बिहान सबै उडान सामान्य रहे पनि मध्यान्हबाट मौसम बद्लीसँगै निरन्तर वर्षा भएकाले सबै आन्तरिक उडान प्रभावित भएको विमानस्थलका महाप्रवन्धक वीरेन्द्र श्रेष्ठले राससलाई जानकारी दिनुभयो ।

उहाँका अनुसार मौसम प्रतिकूल हुँदा विराटनगरमा दुई र भैरहवामा एक जहाज काठमाडौँ फर्कन नसकी रोकिएर बसेका छन् । हिमाली क्षेत्रका सम्पूर्ण उडान प्रभावित भएको र पोखराबाट जोमसोम जाने बाहेक अन्य पहाडी क्षेत्रका केही उडान भने सामान्य रहेको विमानस्थलले जानकारी दिएको छ ।

यसरी आन्तरिक उडानहरु प्रभावित हुँदा देशका विभिन्न गन्तव्यमा जान विमानस्थल पुगेका स्वदेशी तथा विदेशी यात्रुहरु निरास हुँदै फर्कन बाध्य भएका थिए ।